تطبيق لكل أنواع الفعاليات
حضورك ينحسب
موڤنت تطبيق واحد لكل أنواع الفعاليات في الكويت. تلقى الفعالية اللي قريبة منك، تنضم بضغطة، وتسجّل حضورك أول ما توصل. ومشاركتك تجيب لك كوينز تستعملها في المتجر.
تطبيق موڤنت للآيفون بينزل على App Store، وأول نسخة للآيفون بس.
كل أنواع الفعاليات
أي شي له وقت ومكان، يقدر يكون فعالية على موڤنت.
الجهات تنشر فعالياتها على موڤنت، وانت تختار اللي يناسبك. وقبل لا تنضم، تعرف الموعد والمكان ومنو المنظّم وكم مكان باقي.
- أيام مجتمعية وتطوّع
- تنظيف شواطئ وحدائق
- رياضة
- ورش ودورات
- ثقافة وفنون
- فعاليات الجامعات والمدارس
هذي أمثلة. الفعاليات اللي تشوفها في التطبيق هي اللي تنشرها الجهات فعلاً.
شلون يشتغل
من تلفونك لين المكان، بأربع خطوات.
تلقى فعالية
الفعاليات القريبة منك بموعدها ومكانها على الخريطة، ومنو ينظّمها، وكم مكان باقي فيها.
انضم بضغطة
اضغط «انضم للفعالية». وإذا العدد اكتمل، تدخل قائمة الانتظار، وأول ما يفضى مكان ياخذه اللي عليه الدور.
سجّل حضورك في المكان
تسجيل الحضور يفتح قبل البداية بـ30 دقيقة. تسجّل من داخل نطاق الفعالية مع سيلفي بكاميرا التطبيق، والمنظّم يعتمد حضورك.
تجيك كوينز
أول ما ينعتمد حضورك تجيك كوينز، وتستعملها في المتجر على منتجات من الجهات الشريكة.
المبادرات بالفيديو
شارك بفيديو، بوقتك ومن مكانك.
بعض المشاركات ما تحتاج موعد ولا مكان. صوّر فيديو قصير من التطبيق أو ارفعه من تلفونك، ويطلع عليه فلتر المبادرة مع أسماء الرعاة اللي يدعمونها.
صوّر أو ارفع
سجّل بكاميرا التطبيق أو اختار فيديو من تلفونك. في الحالتين، الفلتر ينضاف على الفيديو.
ينراجع قبل لا ينعرض
فريق موڤنت والمنظّم يراجعون الفيديو. وإذا انقبل، يطلع في صفحة المبادرة باسمك وتجيك كوينز.
انشره وتجيك زيادة
انشر الفيديو المعتمد على تيك توك أو إنستغرام أو سناب شات، وتجيك كوينز زيادة بعد ما نتأكد من النشر.
الكوينز والمتجر
الكوينز شكر منّا على مشاركتك.
تجيك كوينز على كل مشاركة تتوثّق، وتستعملها في المتجر على منتجات تقدّمها الجهات الشريكة.
- حضور ينعتمد
- فيديو ينقبل
- تصويت على فيديو
- نشر موثّق
الكوينز ما لها قيمة نقدية: ما تنشرى ولا تنصرف فلوس.
تسجيل الحضور
حضورك يتوثّق، وخصوصيتك محفوظة.
تسجيل الحضور ينقبل بس من داخل نطاق الفعالية، والمنظّم يراجع الحضور قبل لا ينعتمد.
- الموقع
- يتأكد الخادم من موقعك، مو تلفونك.
- السيلفي
- سيلفي وقت الوصول، للتحقق بس.
- الخصوصية
- الصورة ما تنشر ولا تطلع في ملفك، وما يفتحها إلا اللي يراجعون الحضور في هذي الفعالية.
كل التفاصيل في سياسة الخصوصية.
الحين على موڤنت
فعاليات على موڤنت
هني تطلع الفعاليات اللي تنشرها الجهات، بموعدها ومكانها وكم مكان باقي فيها.
الفعاليات اللي عليها «تجريبية» نماذج لتجربة التطبيق، مو دعوات للمشاركة.
عشان تشوف الفعاليات، شغّل JavaScript في المتصفح. أو سجّل وبنخبرك أول ما ينزل التطبيق.
خبّرنيللمنظّمين
انشر فعاليتك مرة وحدة، وتابع كل شي من مكان واحد.
الجهات المعتمدة تنشر فعالياتها من التطبيق، وتشوف منو انضم ومنو حضر، وترسل رسالة لكل المشاركين، وتراجع الحضور والفيديوهات مع مساعدينها.
للرعاة والشركاء
ادعم الفعاليات اللي الناس تحضرها فعلاً.
جهتكم تقدر تدعم فعالية أو مبادرة: اسمكم يطلع في صفحتها، وعلى فلتر كل فيديو ينقبل منها. والجهات الشريكة تقدر تعرض منتجاتها في المتجر.
تفاصيل الرعاية والشراكةشلون تقدر جهتكم تشارك
ادعموا فعالية
وفّروا أدوات أو مواد أو تجهيزات أو دعم مالي للفعالية، واسمكم يطلع في صفحتها.
اسمكم على الفلتر
كل فيديو ينقبل من المبادرة اللي تدعمونها يحمل فلترها مع اسمكم، ويوصل لكل من يشوفه أول ما ينشره صاحبه.
منتجات في المتجر
اعرضوا منتجات يقدر الناس يحصلونها بالكوينز اللي جمعوها من مشاركاتهم.
خلنا نتكلم
أرسلوا لنا اسم جهتكم، والفعالية أو المبادرة اللي في بالكم، ونوع الدعم اللي تبون تقدمونه.
يفتح تطبيق الإيميل
أسئلة وأجوبة
اللي يسألون عنه الناس
- شنو موڤنت؟
- موڤنت تطبيق لكل أنواع الفعاليات في الكويت: تلقى الفعاليات، تنضم لها، تسجّل حضورك في المكان، تشارك في مبادرات بالفيديو، وتجيك كوينز تستعملها في المتجر.
- موڤنت بس للتطوّع؟
- لا. موڤنت لكل أنواع الفعاليات: التطوّع والأيام المجتمعية جزء منها، ومعها الرياضة والورش والثقافة وفعاليات الجامعات وغيرها.
- متى ينزل التطبيق؟
- تطبيق موڤنت للآيفون بينزل على App Store. أول نسخة للآيفون بس، وما هو موجود على Google Play. سجّل تحت وبنخبرك أول ما ينزل.
- شلون أسجّل حضوري في الفعالية؟
- تسجيل الحضور يفتح قبل بداية الفعالية بـ30 دقيقة، ويظل مفتوح لين 30 دقيقة بعد نهايتها. لازم تكون داخل نطاق الفعالية، وتصوّر سيلفي بكاميرا التطبيق، وبعدها المنظّم يعتمد حضورك.
- شنو الكوينز؟
- الكوينز شكر منّا على مشاركتك. تجيك على الحضور اللي ينعتمد، والفيديو اللي ينقبل، والتصويت، والنشر الموثّق، وتستعملها في المتجر. ما لها قيمة نقدية، ولا تنشرى ولا تنصرف فلوس.
- منو يقدر ينشر فعالية؟
- كل فعالية على موڤنت تنظّمها جهة: فريق، أو مجموعة مجتمعية، أو شركة، أو مدرسة، أو جهة حكومية. الجهة تنعتمد قبل لا تنشر، وكل فعالية جديدة تنراجع قبل لا تطلع للناس. التفاصيل في صفحة المنظّمين.
- لازم أدفع شي؟
- لا. ماكو أي مدفوعات أو تبرعات في موڤنت.
- منو ورا موڤنت؟
- موڤنت مشروع كويتي يديره مؤسساه محمود البستان وفهد الهاجري، وما يتبع أي جهة حكومية.
خلك من أول الناس
احسب حسابي
تطبيق موڤنت للآيفون بينزل على App Store، وأول نسخة للآيفون بس. خل إيميلك ورقمك وبنخبرك أول ما ينزل. التسجيل هني ما يحجز لك مكان في أي فعالية.
عندك سؤال أو تبي نشتغل مع بعض؟
info@nubadir.comخلك أول من يدري
بنراسلك بس أول ما ينزل التطبيق على App Store.
إيميلك ورقمك يوصلون لمحمود البستان وفهد الهاجري بس، وما نشاركهم مع أحد. سياسة الخصوصية.